Pou anpil peyizan nan peyi Dayiti presyon lavi chè ak depans tankou frè ekolaj pitit yo, lajan pou pran swen lopital pouse yo pran desizyon difisil. Pyebwa ka rapòte lajan omwen 2 fason: swa yo prodwi fwi oswa fèy fanmi an ka vann nan mache, swa yo koupe yo pou fè chabon. Men pou jan lavi a di li enposib pou kiltivatè yo pwogrese ni pou yo ta envèsti nan ogmante kapasite pwodiksyon yo.
Se la patenarya nou ak antrepriz sosyal Acceso kapab kapab pote yon chanjman. Acceso ede kiltivatè yo divèsifye pwodiksyon yo. Yo plante pyebwa an menm tan yo kiltive lòt plant ki rapòte. Pa egzanp Acceso ajoute plant morenga ki gen bon lavant, yo itilize fèy morenga pou fè poud e se yon gwo sous vitamin ak pwoteyin.
Strateji sa makonnen ekonomi ak anviwònman. Nou bay kiltivatè yo sipò yo bezwen pou pèmèt yo itilize pyebwa yo tankou yon sous lajan stab.
Apwòch makonnen ekonomi ak anviwònman an baze sou yon evalyasyon kilti zòn nan ak debouche pou pwodwi yo. Nan envèstisman nan agroforestri pou mache nasyonal ak entènasyonal gen yon pati ki pou sipò pou pwodwi peyizan yo kiltive pou yo manje oswa pou yo vann nan lokalite yo nan Nip. Acceso se yon antrepriz sosyal nasyonal ki gen sipo entenasyonal. Acceso mete peyizan yo nan yon rezo mache nasyonal ak entènasyonal ki pèmèt yo vann pwodwi yo nan pi bon pri. Acceso achte rekòt la ak bon pri, ki pi wo pase pri yo te ka vann li sou mache lokal.
Pou ede kiltivatè yo jwenn kantite pwodwi yo vle kiltive, Acceso vann patnè pwojè a pepinyè ak posiblite pou peye aprè. Nan ka sa Acceso touche pepinyè yo sou pri rekòt la. Fasilite sa a pèmèt kiltivatè yo plante tout kantite yo te swete plante.
Pou 2018 Acceso kòmanse ap mete baz pou depatman Nip la kòmanse pran kap li nan ane kap vini yo. Pami reyalizasyon yo:
- Yo plante plis pase 25.200 pye Morenga
- Yo plante 480 pye sitwon ak 200 pye gwayav
- Yo prepare 1.600 plan sisal
- Yo travay sou 8 ekta tè
Pwochen atik sou blòg la: