Nan kad preprasyon pou pwojè Pwodiksyon nan yon Anviwònman pi Djanm kiltivatè nan zòn 4 basen vèsan yo te patisipe nan atelye pou deside ansanm ki sa ki plis enpòtan kòm entèvansyon nan domèn agrikòl oswa nan domèn enfrastrikti agrikòl pou zòn nan.
Nan tout zòn nou te rive kiltivatè yo te eksplike nou ke depi lontan pye sitwon se youn nan pwodwi ki pi enpòtan nan depatman an. Nan tout kominote yo se te menm temwanyaj yo. Sitwon an gen yon gwo kliyantèl nasyonal, nan peyi Dayiti yo itilize ji sitwon pou netwaye vyann ak pwason. Lwil sitwon ki soti peyi dAyiti gen gwo renome sou plan entasyonal, se yon gwo pwodwi pou ekspòtasyon.
Jodia pye sitwon pa yon pwodwi lokal ankò nan Nip paske pichon te detwi tout plant yo nan rejyon an. Sa fòse peyizan yo kiltive lòt pwodwi. Si sitwon retounen e pwospere nan Nip ankò sa ap gwo enpak sou ekonomi zòn nan.
Nan mwa Me 2018 nou tè lanse yon nouvo pwojè pilot pou teste yon nouvo estrateji pou pwoteje pye sitwon. Nan lide pou kreye yon baryè “kanpe lwen” nou plante pye gwayav toutotou pye sitwon yo. Akoz odè gwayav la pichon rete lwen. Nou rive plante 1.120 pye sitwon avek 120 pye gwayav pou pwoteje yo. Deja nou kòmanse wè bon rezilta, e nou planifye plante jiska 5.000 pye sitwon antou, nous espere ki pral grandi ansante nan tout rejyon an.